म्याराथन दौड प्रचारप्रसार उप समितिले सशक्त प्रचार गर्ने

महेन्द्रनगर, १६ मंसिर
भीमदत्त नगरपालिकाले पुस १५ गते धार्मिक पर्यटकीय मार्गमा आयोजना गर्ने म्याराथन दौड प्रतियोगिताको प्रचारप्रसार उप समितिले सशक्त प्रचारप्रसार गर्ने भएको छ । समितिको सोमबार बसेको बैठकले सबै सञ्चार माध्यम र पत्रकारहरुसित सहकार्य गरी प्रतियोगिताको प्रचारप्रसार कार्यक्रमलाई सशक्त बनाउने निर्णय गरेको हो ।

समितिका अध्यक्ष विष्णुदत्त अवस्थीको अध्यक्षतामा बसेकोबैठकले कञ्चनपुर जिल्लाका सबै सञ्चार माध्यम र पत्रकारहरुलाई सदस्यमा मनोयन गर्ने निर्णय समेत गरेको छ । बैठकले समिति विस्तार गर्दै प्रतियोगितालाई भव्य र सफल बनाउन प्रचारप्रसारका लागि सबै सञ्चार माध्यम र पत्रकारलाई समितिमा सदस्य रुपमा मनोनित गर्ने निर्णय गरेको छ ।


बैठकले प्रचारप्रसारका लागि सञ्चार माध्यमसित सहकार्य, धार्मिक पर्यटकीय मार्गमा पत्रकार सहितको अवलोकन तथा मार्च, पत्रकार सम्मेलन सहितका कार्यक्रम गर्ने निर्णय गरिएको छ । बैठकमा भीमदत्त नगरपालिकाका प्रशासकीय अधिकृत हरि सिह धामी, प्रचार समितिका सदस्यहरु सहभागी भएका छन् ।

भीमदत्त नगरपालिकाले रौटेलादेखि ब्रह्मदेबसम्म बनाएको धार्मिक पर्यटकीय मार्गमा गत वर्ष पहिलो पटक म्याराथन प्रतियोगिता आयोजना गरिएको थियो । यस वर्ष प्रतियोगितालाई निरन्तरता दिइएको हो ।

Loading...